أوزولا ← الخصوصية

سياسة الخصوصية

اللي بيتخزّن، وفين، ومين بيشوفه.

بيانات الموقع

صفحة أوزولا التعريفية ساكنة: مفيش أي خط أو صورة أو سكربت بيتحمّل من موقع تاني، ومفيش أدوات تتبّع إعلانية. لو ملّيت نموذج طلب العرض، البيانات اللي بتكتبها (الاسم · الشركة · عدد الموظفين · التليفون · وصف مشكلتك لو كتبته) بتتسجّل عندنا عشان نرد عليك، وبس.

بيانات الشركات المشتركة

كل شركة في قاعدة بيانات مستقلة. مفيش جدول مشترك بين شركتين، والعزل على مستوى الملف مش على مستوى عمود في استعلام.
البيانات اللي بيشتغل عليها النظام هي بيانات شؤون العاملين اللي الشركة بتدخلها: بيانات الموظف وحضوره وإجازاته ومرتبه.
الوصول للبيانات الحسّاسة (الراتب · الرقم القومي · الحساب البنكي) بصلاحيات منفصلة، والمستخدم اللي مالوش الصلاحية بيشوف القيمة مقنّعة.
كل تعديل بيتسجّل في سجل النظام بمين وإمتى.

مكان التشغيل والنسخ

البرنامج بيشتغل على خادم في الاتحاد الأوروبي (فرانكفورت)، والاتصال بيه مشفّر (HTTPS). بتتاخد نسخ احتياطية دورية وبتتحفظ على نفس الخادم بصلاحيات مقيّدة، وبتتاخد نسخة قبل أي خطوة خطرة زي قفل المرتب.

مابنعملوش

مابنبيعش بيانات، ومابنشاركهاش مع طرف تالت لأغراض تسويقية.
مابنستخدمش بيانات شركة مشتركة لأي غرض غير تشغيل خدمتها ودعمها.

حقوقك

الشركة المشتركة صاحبة بياناتها: تقدر تطلب نسخة منها أو حذفها عند انتهاء الاشتراك. للطلبات دي: security@ozula.app.

الصفحة دي بتوصف الممارسة الفعلية وقت كتابتها. أي تغيير في مكان التشغيل أو في المعالجة بيتعدّل هنا.